BANYOLAN PUNOKAWAN

Sore hari berkumpulah Gareng, petruk dan Bagong di desa KarangKadempel. Sedang hangat hangatnya membicarakan tentang peringatan hari kemerdekaan NKRI mbahas acara apa yang dibuat, semeriah apa... diiringi dengan tembang jawa dari para Sinden "Lesung jumengglung sru imbal imbalan, lesung jumengglung manengker manengkur tumandang nyedhaki sajroning padesan .. thok..thok thek thok.. thok gung thok.. thok thek thok thek thok Gung....."

Petruk: "meriah nak koyo ngene ki, la ora seneng kepriye, sak RW nekakne dhagelan dhagelan ngene ki, nggonamu opo Reng"

Gareng: "Nggonaku pentas seni pemuda pemudi"

Petruk: " yo apik, Nggonamu Gong?"
Bagong: "Yo tetep rame nggonaku"
Petruk: "Nanggap opo?"
Bagong: "Nanggap othok"
Petruk: "Walah, paling ora yo pentas seni opo piye ngono loh Gong"

Bagong: "Kuwi wae Gayenge wis ra jamak kok truk, kampungku ki wong prosal prosal wegah nak koyo liane ki, tapi kelebon aku dadi apik. Horo kowe ngerti ora, Sing nglabur  desaku kae sopo?"

Petruk: "Sopo? Kowe?"
Bagong: "Masyarakat"
Petruk: "Halah Gong, Gayeng yo Gong"

Bagong: " ho o kabeh wis disiapke ono lombane seko Bapak bapak, ibu ibu, anak anak kanggo meriahke kemerdekaan NKRI"

Petruk: "Ngono yo Gong?"

Bagong: "iyo sing paling penting awake dhewe biso ngrasake kemerdekaan lahir lan batin. Akeh saksi peperangan, poro veteran veteran sing isih urip sing dadi saksi perjuangan kemerdekaan Indonesia. Ono sing buntung tangane, buntung sikile lan sapitirute kabeh kuwi berjuang dienggo awake dhewe supoyo bisa merdeka anggone mbeber kloso, mulo awake dhewe iki kudu biso ngisi kemerdekaan iki kanti hal sing migunani"

Petruk: "iyo gek coro ngisi kemerdekaan ki piye?"
Bagong: "yo lungguh bareng ngene iki"
Petruk: "halah gong, kowe ki angger tak gatekne tenanan athek malah mlengse"

Bagong:  " Mletho ora mlengse, mletho ki menggok.. nak mlengse ki ketekuk, bedo kata kata jowo ki Truk"

Petruk: "He em aku yo ngerti"
Gareng: "dadi kudu iso ngisi kemerdekaan kanti cara sing apik yo Gong?"

Bagong: "iyo, sing Tani yo Nandur sing apik gen hasile apik lan becik, sing dadi pedagang yo pedagang sing apik sing jujur sing ora golek bathine ngongso ngongso, dadi pelajar yo Sinau sing temenan, dadi generasi muda yo generasi muda sing migunani

Petruk: "Ngono yo Gong, dengaren utekmu maen Gong, nggleleng kowe "
Bagong: " aku ki iso pinter iso bosok truk tergantung bayarane piro, trus dadi Generasi mudha ki ojo koyo anake Gareng kae"

Petruk: "La piye Gong"

Bagong: "Wingi kuwi aku kepethuk anake gareng ono lapangan lagi Mabukan ngedhep botol, botole tak jaluk terus tak takoni "Ngopo kowe neng kene" trus dhek e njawab  "Mung sithik Om"...
Lha kok sithik ..
"Lha piye Om"
"Tak wenehi dhuwit gek  Tuku sing Okeh kono Le"

Petruk: "halah tak rungokne tenanan, malah dhapuranmu Gong"

Bagong: "Lha terus tak jak mulih, tak kandhani saiki wonge sregep sekolah sregep ngaji"

Gareng: "matur nuwun Gong, mergo kowe anakku saiki dadi bocah sing apik, nurut Gong"

Petruk: "Opo meneh nak nganti nganggo pil Pcc karo nyeroti Lem kae yo Gong"

Bagong: "Iyo truk, kamongko kae Bahaya gek nyerote Gas Kimiwi"
Petruk: "zat kimia Gong"

Bagong: "yo zat kuwi sing iso marai puyeng utowo ngeple Truk"

Petruk: "Iyo Gong"

Bagong: "Asline ki timbang nganggo koyo ngono ono coro liyo lo Truk"

Petruk: "Opo Gong"

Bagong: "Carane yo Kaos sikil 40 dino ora dicupot kae Ambungen.. nak ora yo sirahmu mbok lebokne Kakus la mesthi puyeng"

Petruk: "Lambemu Gong"

Petruk: "dadi kelingan perjuangane Pahlawan perang dhek mbiyen yo Gong"

Bagong: "iyo Truk biyen nalikane Pangeran Samber nyowo neng dhaerah Lor kuwi dhek e Gerilya lawan walondo"

Petruk: "iyo Gong, trus"

Bagong: "Trus Pangeran Samber Nyowo kuwi tekan  Alas gek turu, barang wis tangi esuk esuk ono Omah, sing nggawe sopo ora ngerti mulo dijenengke omah tiban"

Petruk: "ngono yo Gong"

Bagong: "Lha omah Tiban kuwi kadadiane pas wayahe mbok mbok esuk esuk mbebak mulo daerahe dijenengke Bubakan Truk, lha saiki dadi desa Bubakan"

Petruk: "Jebule ngono kuwi to lagi ngerti aku"

Bagong: "lha terus mlaku eng Tengah tengah alas sing grumpyuk mulo dijenengke Sikalas banjur munggah ndedel lha nemoni panggonan sing roto mulo dijenengake Siroto.

Petruk: "opo yo bener ngono to Gong"

Bagong: "kuwi jare mas Permadi Truk"

Petruk: "Nak dadi generasi mudha kuwi piye kudune Gong"

Bagong: "iyo Sing apik, saiki aku tak takok nyang Gareng. Ngopo kok knalpote motore anakmu kae dibolongi ngono kae"

Gareng: "lha cah enom kok Gong"

Bagong: "Lha kuwi Reng, saiki ki wes Knalpote Wor liwat yo mung lewat ora ngajeni marang wong tuwo, menungso ki kudu nganggo budoyo"

Gareng: "iyo Cah saiki kok Gong"

Bagong: "Nak biyen ki nak motoran pas lewat, ono wong motore dipateni dituntun, mengko nak ora enek uwong lagi ditumpaki"

Gareng: "Ngono yo Gong"

Bagong: "Wingi aku yo ngono, aku pas nggowo motor ono uwong motore tak tuntun nak ora ono uwong tak tumpaki. Lha pas aku nggowo Bojoku, enek uwong tak tuntun lha barang ora enek uwong....

Petruk: "kok Tumpaki ngono, halah pikirane bagong ki malah ndledek teko kono"

Gareng: "iyo, dadi ora mung modern thok yo, sing budoyo tradisional kudu dilestarekne"

Bagong: "Saiki kuwi ono jakarta rong dino wae ngundang Ibu "Mama"

Petruk: "Yo kuwi celukane wong Kono kok, yo Mama opo Mami"

Bagong: "Saiki apik Endi, apik Mama opo Ibu"

Petruk: "yo manut bocahe Gong"

Bagong: "saiki ngene yo misal ono dayoh lha anake omong ngene "BuTamu...... ". Kan penak Truk Bedo yen omong ngene  "Matamu......" trus Ibu'e teko "Matamu Matamu, nak wong tuwo ora Sopan!!!"

Petruk: "Iyo Bener omonganmu Gong"

Bagong: "Trus bapake diceluk Babe,  Babe Hutan opo piye rumangsane"

Petruk: "lha kuwi kan carane uwong Betawi kono Gong, Emange kowe wis mrono Gong"

Bagong: "aku mrono ora tekan kok Truk, malah dikeplaki Kenek"

Petruk: "Lha ngopo Gong"

Bagong: pas aku enek nge Bis, aku ora ngerti sing dituju. Trus kenek e muni " Sudirman... Mt Haryono... Ahmad Yani"... penumpange do mudhuk kan. aku mikir Truk iki keneke wis apal penumpange kabeh. Kok Nganti bis e muter terminal ping 5 jenengku kok ora dipanggil. Lha terus keneke mau Ngeplak ndasku "Bodoh kau, Bego kau itu nama Jalan" dadi aku mudhuk karo ndhasku dho mlenthung mlenthung kae Truk..."

Gareng: "gek uwong Jakarta ki nak manggil uwong Lu Lu ngono Truk"

Petruk: "iyo misale... Lu mau kemana?"

Bagong: "Ngono Yo Truk"

Petruk: "iyo Gong, dadi 'Lu mau kemana', Lu kuwi maksute Kowe Gong, nak aku kuwi Gue...

Bagong: "Dadi ngene yo Truk, Aku ki Lu .. Kowe Ki Gue

Petruk: "Loh kok ngono to Gong, jelasno Reng"

Gareng: "dadi kowe kuwi Lu, nak Aku ki Gue... ngono lo Gong"

Bagong: "jarene mau ora ngono, Iso gelut lo iki Reng"

Gareng: "iso migrain aku iki njelasne Bagong ora Dhong...."

Petruk: "Ngerti Bahasa Inggris Gong"

Bagong: "yo Jelas ngerti truk"

Petruk: "dadi Ai kuwi podo Gue, trus Yu kuwi podho Lu. Dadi Yu kuwi kowe, Trus Ai ki Aku"

Bagong: "nderah ambune Truk nak Ai gedhe sak kowe ki, dadi saiki Ai karo gue dadi grup trus Lu karo Yu"

Petruk: "jan, mblenyek kowe Gong ora dhong..."

Bagong: "Berarti aku kuwi melu grup Lu karo Yu, Gek kowe karo Gareng mlebu grup Gue karo Ai... yo Truk... he .. Ai kebo gelem....

Petruk: "Es jan.... Gong...

~~~~~~~~
~~~~~~~
~~~~
¿¿¿¿
¿¿
¿